Microsoft şirkətinin banisi və milyarder xeyriyyəçi Bill Geyts bəyan edib ki, o və arvadı Melinda 27 illik izdivaca son qoymaq qərarına gəliblər.
65 yaşlı Geyts Twitter postunda yazır ki, bu qərarı “uzun düşüncələrdən və münasibətlər üzərində xeyli işdən” sonra qəbul ediblər.
— Bill Gates (@BillGates) May 3, 2021
Sietl doğumlu Geyts ailəsi və üç övladı üçün “sakitlik və şəxsi həyatına ehtiram” istəyib.
Microsoft şirkəti və onun Windows proqramı Geytsi 1987-ci ildən bəri Forbes jurnalının zənginlər siyahısında saxlayıb.
O az qala iki onillik ərzində dünyanın ən varlı insanı sayılıb.
Geyts həyatını tamamilə xeyriyyəçiliyə həsr etmək üçün 2014-cü ildə Microsoft şirkətinin sədrliyini, 2020-ci ildə isə şura üzvlüyünü tərk edib.
Onun və xanımının yaratdığı “Bill And Melinda Gates” fondu xeyriyyə işlərinə milyardlarla dollar xərcləyib.