AzadlıqRadiosunun Rus xidməti yazır ki, fevralın 24-də ABŞ-ın GQ jurnalı Yelizaveta (Luiza) Rozova adlı qızla müsahibə dərc edib.
Onun Rusiya prezidenti Vladimir Putinin üçüncü qızı olması barədə ehtimallar irəli sürülüb.
Rozova “Putinə oxşadığını hesab edirmi” sualına Rozova belə cavab verib:
"Onun yeniyetməlik fotolarına baxsanız, bəli oxşarlıq var. Amma məlumdur ki, Vladimir Vladimiroviçə çox oxşayan çox sayda insanlar var”.
Buna da bax: Hökumət Putinin qızının layihəsinə milyonlar ayırıb
Svetlana Krivonogix
Ötən il “Proyekt” müstəqil təhqiqat saytı bu qız və onun Sankt Peterburqda işadamı olan anası Svetlana Krivonogix haqqında yazmışdı.
Pasportda “Vladimirovna” olan Luiza sözü gedən materialın dərc olunduğu günü “həyatı dəyişən gün” adlandırmışdı.
Təhqiqat materialının dərcindən dərhal sonra Instagram-dakı fotolarını niyə silməsi barədə suala Luiza “şəkillərin yayılmasını istəmədiyini” deməklə cavab vermişdi.
Luiza demişdi ki, o həyatda hər şeylə bir az maraqlanır və incəsənət və mədəniyyət menecmenti ixtisası üzrə təhsil alır.
“Proyekt” noyabrın 25-də dərc olunmuş məqaləsində Rusiya prezidentinin köhnə dostu Svetlana Krivonogixən yazır.
Buna da bax: Putin öz qızları barədə suala necə cavab vermədiPrezidentə “fenomenal şəkildə” bənzəyiş
Məqaləyə deyilir ki, hazırda milyarder olan bu qadın 2003-cü ildə prezidentə “fenomal şəkildə bənzəyən” qız uşağı dünyaya gətirib və bundan sonra Putinin dostları bu ailəyə himayə göstərməyə başlayıblar.
Kremlin sözçüsü Dmitri Peskov bu təhqiqatı “epistolyar janr” və “təxribat” adlandırmışdı.
Luiza Rozovanın Rusiya prezidentinin guya üçüncü qızı olması barədə iddia Aleksey Navalnının Antikorruopsiya Fondunun “Putin üçün saray” filmində də səsləndirilir.
Vladimir Putinin sonradan boşandığı Lyudmila Putina ilə nikahdan iki qızının olması deyilir.
Ehtimal olunur ki, bunlar Mariya Vorontsova və Katerina Tixonovadır.
Putin bu qadınların onun qızları olduğuna dair iddiaları nə təkzib, nə də təsdiq edir.