2020-ci ilin Pasport İndeksi açıqlanıb. Bu indeks dünyanın ən güclü pasportlarını müəyyənləşdirir. İndeksin əhatələdiyi 199 pasportun 193-ü BMT üzvü olan ölkələr, 6-sı ərazilərdir.
Pasport İndeksini "Arton Capital" şirkəti hazırlayır. Viza qaydalarına dəyişiklik edildikcə, yenilənir.
Pasportlar ümumi mobillik balı üzrə dəyərləndirilir.
Dünyanın ən güclü pasportu Yeni Zelandiyaya məxsusdur, bu ölkənin mobillik balı 129-dur.
İkinci yeri 128 bal yığmış Almaniya, Avstriya, Lüksemburq, İsveçrə, İrlandiya, Yaponiya, Cənubi Koreya, Avstraliya tutur.
Azərbaycan pasportu 61 balla 49-cu yerdədir.
Qonşulardan Gürcüstan 100 balla 15-ci, Ermənistan 57 balla 53-cü, İran isə 37 balla 71-ci yerdə qərarlaşıb.
Pasportun gücü vizasız gedilən ölkələr deməkdir.