Azərbaycan Xarici İşlər naziri Ceyhun Bayramov Rusiya Federasiyasına rəsmi səfərə yola düşüb.
Bu barədə bu gün, avqustun 26-da Azərbaycan Xarici İşlər Nazirliyi (XİN) məlumat yayıb.
Məlumatda yazılıb ki, səfər çərçivəsində Rusiyanın yüksəksəviyyəli rəsmiləri ilə görüşlərin keçirilməsi nəzərdə tutulur. Həmin görüşlərdə həm iki ölkə arasında əməkdaşlıq, həm də regional məsələlərin müzakirə ediləcəyi gözlənir.