Əfqanıstanın keçmiş hökumət rəhbəri Abdullah Abdullah deyir ki, Taliban məhbuslarının buraxılması hər iki tərəf üçün faydalı olar və sülh prosesini irəli aparar.
Ölkənin Milli Təhlükəsizlik Şurası martın 25-də elan edib ki, hökumət rəsmiləri bir neçə günə Talibanın nümayəndə heyəti ilə talibançı məhbusların buraxılmasını müzakirə edəcək.
Abdulla martın 26-da Kabildə mətbuat konfransında deyib ki, ölkədəki siyasi böhranın həllindən ötrü danışıqlara hazırdır və bu böhran heç kəsin “marağında deyil”.
Tərəflərin martın 31-dək 100 məhbusun buraxılmasını götür-qoy edəcəyi gözlənir. ABŞ-ın Əfqanıstan üzrə elçisi Zalmay Khalilzad deyib ki, tərəflər “martın 31-də hər iki tərəfdən məhbusların buraxılmasına razılaşıblar”.
(1/2) The second technical meeting on prisoner exchanges between the Afghan government and Taliban took place today, again by video conference. The two sides agreed prisoner releases by both sides will start March 31.
— U.S. Special Representative Zalmay Khalilzad (@US4AfghanPeace) March 25, 2020
Prezident Ashraf Ghani-nin sözlərinə görə, hökumət ilkin olaraq 1500 məhbusu azad edəcək. Amma Taliban Kabillə danışıqların ilkin şərti kimi 5 min məhbusun buraxılmasını tələb edir.
Khalilzad məhbusların buraxılmasının koronavirusun yayılmasına görə də vacib məsələyə çevrildiyini vurğulayıb.
Sülh prosesi Abdullah və Ghani-nin özlərini sentyabr seçkisindən sonra prezident elan etməsindən dolayı dayanıb.
ABŞ Dövlət Departamenti martın 23-də elan edib ki, Əfqanıstana yardımın 1 milyard dollarını kəsir. Dövlət katibi Mike Pompeo Ghani və Abdullah-ı ədavətə son qoymağa inandıra bilməyib.