Azərbaycan Hərbi Hava Qüvvələrinin ötən ay gecə təlim-məşq uçuşu keçirən zaman qəzaya uğramış MİQ-29 təyyarəsinin «qara qutu»su tapılaraq dənizdən çıxarılıb.
Bu barədə bu gün, avqustun 19-da Müdafiə Nazirliyi məlumat yayıb: «Hazırda qurğunun içərisində olan məlumatların əldə edilməsi məqsədilə «qara qutu»nun texniki vəziyyəti öyrənilir. Eyni zamanda, təyyarənin qalıqlarının dənizin dibindən çıxarılması üzrə tədbirlər davam etdirilir».
Qəzaya uğrayan MiQ-29 təyyarəsinin “qara qutusu” tapılıbhttps://t.co/mMbIxI8pIr pic.twitter.com/t8fz8VBscI
— Azerbaijan MOD (@wwwmodgovaz) 19 августа 2019 г.
Xatırlatma
İyulun 24-də Azərbaycan Hərbi Hava Qüvvələrinə məxsus MİQ-29 təyyarəsi axşam uçuşlarını həyata keçirərkən qəfil radardan itib.
Axtarış məqsədilə komissiya yaradılıb. Hadisə ilə bağlı Hərbi Prokurorluq Cinayət Məcəlləsinin 342.2-ci (qulluğa səhlənkar yanaşma) maddəsi ilə cinayət işi başlayıb.
Müdafiə Nazirliyi bildirib ki, axtarışlara xarici mütəxəssislər də cəlb edilib. Təyyarənin bəzi fraqmentləri ilk dəfə avqustun 8-də tapılmışdı. Təyyarənin pilotundan isə, hələlik, xəbər yoxdur.