İyulun 30-da Bakı və Abşeron yarımadasında havanın yağmursuz keçəcəyi, mülayim cənub küləyinin əsəcəyi təxmin edilir.
Ekologiya və Təbii Sərvətlər Nazirliyinin Milli Hidrometeorologiya Departamentinin məlumatına görə, Abşeronda gecə 22-25, gündüz 31-36, Bakıda gecə 22-24, gündüz 33-35 dərəcə isti proqnozlaşdırılır.
İyulun 30-da Azərbaycanın əksər rayonlarında da havanın əsasən yağmursuz keçəcəyi gözlənir. Lakin gecə bəzi dağlıq ərazilərdə şimşək çaxacağı, qısamüddətli az yağış yağacağı, dolu düşəcəyi ehtimalı var. Gecə 20-25, gündüz 33-38, dağlarda gecə 12-17, gündüz 20-25 dərəcə isti təxmin edilir.