Sibirin İrkutsk regionunda daşqında ölənlərin sayı 14-ə çatıb, 13 nəfər itkindir. Məlumatı Rusiya Fövqəladə Hallar Nazirliyi yayıb.
Nazirliyin iyulun 2-də bildirməsinə görə, daşqında xəsarət almış 191 nəfər xəstəxanaya yerləşdirilib. Onlardan 38-i uşaqlardır.
Xilasedicilər müxtəlif regionlarda daşqından ziyan çəkmiş 24 min nəfərə yardım göstərib.
Minlərlə ev dağılıb.
İyulun 2-də İrkutskda leysan yağışlar və tufan davam edir.
Daşqın zonasından 2 mindən çox adam köçürülüb, fövqəladə vəziyyət elan olunub.