2019-cu ilin yanvar-aprel aylarında ölkədə fəaliyyət göstərən sığorta şirkətləri 265.3 mln. manat sığorta haqları toplayıb.
Bu barədə Maliyyə Bazarlarına Nəzarət Palatasının iyunun 10-da yaydığı məlumatda yazılıb.
Həmin məlumatda qeyd edilir ki, hesabat dövründə 66.7 mln. manat sığorta ödənişləri həyata keçirilib.
2018-ci ilin eyni dövründə isə 301.4 mln. manat sığorta haqları toplandığı, 78.5 mln. manat da sığorta ödənişi edildiyi qeyd olunurdu.
2014-cü ildə dünyada neftin qiyməti kəskin ucuzlaşdıqdan sonra Azərbaycanın sığorta bazarında da kiçilmə baş vermişdi. Amma son vaxtlar əks proseslərin getdiyi bildirilirdi.