2020-ci ildə Tokioda keçiriləcək olimpiya oyunlarının biletləri Yaponiya sakinləri üçün satışa çıxarılıb.
Mayın 10-dan yaponiyalılar 24 iyul- 9 avqust tarixlərində keçiriləcək Yay Olimpiya oyunları üçün lotereyada iştirak edə bilərlər.
Açılış mərasiminə biletlərin qiyməti yerindən asılı olaraq 23 dollardan 2 min 730 dollaradək dəyişir.
Lotereya mayın 28-dək keçiriləcək və yalnız Yaponiya sakinləri üçün nəzərdə tutulub.
Rəsmilərin mayın 9-da bildirməsinə görə, 180 min nəfər eyni vaxtda onlayn satışın açılmasını gözləyir.