Yeni Zelandiyanın baş naziri deyir ki, yeni qanunlar hərbi tipli hücum silahlarını və yarımavtomat tüfəngləri qadağan edəcək.
Jacinda Ardern bunu martın 21-də deyib. Altı gün öncə isə Kraystçerç şəhərində iki məscidə hücum zamanı 50 nəfər öldürülüb.
Ardern yeni qadağanın aprelin 11-dən qüvvəyə minəcəyini, hökumətin belə silahların geri satın alınması üçün proqram gerçəkləşdirəcəyini sözlərinə əlavə edib.
Martın 15-də silahlı iki məscidə girərək atəş açmağa başlayıb. Hücumu gerçəkləşdirən avstraliyalı onu Facebook-da canlı yayımlayıb. O, həbs olunub və çoxsaylı ittihamlarla üzləşib.
Ardern deyib ki, həmin şəxs silahları qanuni yolla əldə edib və gücünü “asanlıqla internetdən aldığı” sandıqla artırıb.
Martın 22-də Kraystçerçdə hadisə qurbanlarının böyük izdihamla anılacağı gözlənir.