Martın 20-dən Azərbaycanda Novruz tətilləri başlayır və bayramla əlaqədar bir həftə iş olmayacaq.
Nazirlər Kabinetinin qərarına əsasən, tətil martın 20-dən 24-dək olan dövrü əhatə edir. Martın 23-ü şənbə, 24-ü isə bazar gününə təsadüf etdiyindən ayın 25-i və 26-sı da iş olmayacağı bildirilir.
Mövcud Əmək Məcəlləsinə görə, həftələrarası istirahət günləri və iş günü hesab olunmayan bayram günləri üst-üstə düşərsə, həmin istirahət günü bilavasitə bayram günündən sonrakı iş gününə keçirilir.
Martın 27-dən, yəni, həftənin çərşənbə günündən isə növbəti iş günü başlamalıdır.
Bu gün, martın 19-da Torpaq çərşənbəsi və ya İlaxır çərşənbə qeyd olunur. Martın 21-i saat 1:58 dəqiqədə yaz fəsli Azərbaycana qədəm qoymalıdır.