Almaniyanın keçmiş xarici işlər naziri Klaus Kinkel 82 yaşında dünyasını dəyişib. Məlumatı onun Azad Demokratik Partiyasının indiki rəhbəri verib.
Christian Lindner deyib ki, Kinkel martın 4-də ağır xəstəlikdən vəfat edib.
1992-ci ildə Almaniyanın xarici işlər naziri olan Kinkel altı il bu vəzifədə qalıb.
O, həmin vaxt partiyası ilə mühafizəkar blokun koalisiyasının vitse-kansleri olub.
Keçmiş nazir daha sonra hüquqşünas kimi çalışıb, Deutsche Telekom Fondunun sədrliyinə keçib.