Fevralın 5-də Bakı və Abşeron yarımadasında havanın əsasən yağmursuz keçəcəyi gözlənir. Gecə və səhər bəzi yerlərdə zəif duman, çiskin olacağı, şimal küləyinin əsəcəyi, gündüz onun mülayim cənub küləyi ilə əvəzlənəcəyi təxmin edilir.
Ekologiya və Təbii Sərvətlər Nazirliyinin Milli Hidrometeorologiya Departamentinin məlumatına görə, Bakı və Abşeron yarımadasında gecə 3-5, gündüz 7-9 dərəcə isti proqnozlaşdırılır.
Fevralın 5-də Azərbaycanın rayonlarında da bir elə yağıntı gözlənmir, bəzi yerlərdə duman, çiskin olacağı ehtimalı var. Gecə 2-6, gündüz 8-13 dərəcə isti, dağlarda gecə 0-5 dərəcə şaxta, gündüz 2-7 dərəcə isti təxmin edilir.