Noyabrın 28-də Bakı və Abşeron yarımadasında havanın dəyişkən buludlu olacağı, əsasən yağmursuz keçəcəyi gözlənir. Səhər bəzi yerlərdə duman olacağı, cənub-qərb küləyinin əsəcəyi, arabir güclənəcəyi təxmin edilir.
Ekologiya və Təbii Sərvətlər Nazirliyinin Milli Hidrometeorologiya Departamentinin məlumatına görə, Abşeronda gecə 8-10, gündüz 14-18, Bakıda gecə 6-8, gündüz 13-15 dərəcə isti proqnozlaşdırılır.
Azərbaycanın rayonlarında da bir elə yağıntı gözlənmir. Gecə və səhər ayrı-ayrı yerlərdə duman olacağı ehtimalı var. Gecə 5-10, gündüz 13-18 dərəcə isti, dağlarda gecə 2 dərəcə şaxtadan 3 dərəcəyədək isti, gündüz 9-14 dərəcə isti təxmin edilir.