Noyabrın 21-də daxili işlər orqanlarında qeydə alınan cinayət və hadisələr haqqında statistik məlumatlar açıqlanıb.
Daxili İşlər Nazirliyinin (DİN) mətbuat xidmətindən verilən məlumata görə, gün ərzində borclu şəxs qismində axtarışda olan 16 nəfər saxlanılaraq aidiyyəti üzrə təhvil verilib.
DİN-in məlumatına görə, ölkədə təkcə son 3 gündə borca görə 54 nəfər saxlanıb. Onların 14-nün noyabrın 20-də, 24-nün də noyabrın 19-da saxlandığı açıqlanıb.
Nazirliyin arxiv məlumatlarına görə, əvvəlki günlərdə də eyni məsələ ilə bağlı saxlananlar var. Buna aid gündəlik rəqəmlər bəzən bir-, bəzən də ikirəqəmli olur.