Ermənistanın baş naziri vəzifəsini icra edən Nikol Pashinian deyir ki, Ağ evin milli təhlükəsizlik müşaviri John Bolton-la danışıqlar “aşırı müsbət atmosferdə” keçib.
“Məncə, Ermənistan- ABŞ münasibətlərini yeni səviyyəyə çatdırmaqdan ötrü real imkan var. Biz bu fürsətdən yararlanmağa hazırıq”, – Pashinian oktyabrın 25-də Facebook səhifəsində yazıb.
Ermənistan həmişə Rusiya ilə sıx münasibətlər qurub, amma Pashinian mayda hakimiyyətə gələndən bu münasibətlər barədə suallar yaranıb. O zaman Moskvaya yaxınlığı ilə seçilən Serzh Sarkisian hakimiyyətdən getdi.
Bolton oktyabrın 24-də Azərbaycanda rəsmilərlə Dağlıq Qarabağ münaqişəsini müzakirə edib.
O, Bakıda demişdi ki, Birləşmiş Ştatlar münaqişənin dinc yolla həllini dəstəkləməkdə davam edəcək.
Ermənistanla Azərbaycan arasındakı Dağlıq Qarabağ münaqişəsində 1988-94-cü illər ərzində 30 minədək adam ölüb, yüz minlərlə adam evindən didərgin düşüb. Qarabağ separatçılarının qurduğu rejimi dünya ictimaiyyəti tanımayıb.
Qarabağ münaqişəsinin həlli ilə ATƏT-in Minsk qrupu məşğul olur.