Rusiya Federasiyasının prezidenti Vladimir Putinin Azərbaycana, Özbəkistana və Tacikistana səfəri gözlənir.
«İzvestiya» qəzeti bunu dövlət başçısının beynəlxalq əlaqələr üzrə köməkçisi Yuri Uşakova istinadən bildirir.
Xəbərə görə, Y.Uşakov vurğulayıb ki, səfər bu ilin sentyabr-oktyabr ayları ərzində baş tutacaq.
Y.Uşakov əlavə edib ki, sentyabrın sonunda V.Putin Azərbaycana səfər edəcək. Onun sözlərinə görə, bundan əlavə, ilin sonuna qədər rəsmi Moskva Azərbaycan, İran və Rusiya prezidentlərinin iştirakı ilə üçtərəfli sammitə ev sahibliyi edəcək.
Xatırlatma
Rusiya, İran və Azərbaycan rəhbərlərinin ilk görüşü 2016-cı ildə keçirilib. Sonrakı sammitlər Bakıda və Tehranda baş tutub.