Avqustun 12-də Azərbaycandakı bütün hərbi hissələrdə əsgər valideynləri və yaxınlarından ötrü “Açıq qapı” günü keçirilir.
Bu barədə Müdafiə Nazirliyi məlumat verib.
Məlumatda bildirilir ki, eyni zamanda hərbi hissələrin təlim hissə və bölmələrində gənc əsgərlərin andiçmə mərasimi keçirilir. Ziyarətçilər hərbi hissələrdə yaradılan yaşayış, məişət şəraiti ilə tanış ola, xidməti, inzibati binalara, əsgər yataqxanaları və yeməkxanalara baş çəkə bilərlər
“Açıq qapı” günündə hərbi hissələrin komandanlığının valideynlərlə görüşləri təşkil olunur və mədəni-kütləvi tədbirlər olur.