Əfqanıstanın qərbindəki Farah vilayətində Taliban yaraqlıları dörd əfqan əsgəri öldürüb, altısını yaralayıb. Yerli rəsmilər hücumun avqustun 6-da gecə başladığını, bu gün səhərədək davam etdiyini bildirib.
Sonradan Əfqanıstan hava qüvvələrinin endirdiyi zərbədə 19 taliban yaraqlısı öldürülüb, 30-u yaralanıb.
Ölkənin şərqindəki Loqar vilayətində isə yaraqlılarla əfqan əsgərləri atışarkən dörd qadın öldürülüb, dörd uşaq yaralanıb.
İnsidentin avqustun 6-da vilayətin paytaxtı Puli Alim yaxınlığında baş verdiyi bildirilir.
Taliban bu hücumların heç biri barədə açıqlama verməyib.