Rusiyanın Başqırdıstan regionunda 21 nəfər terrorçuluqda təqsirli bilinib.
Təqsirləndirilənlərin yaxınlarının AzadlıqRadiosu-na bildirməsinə görə, onlar qadağan olunmuş Hizb ut-Tahrir qruplaşmasına üzvlükdə təqsirli bilinərək 5 ildən 24 ilədək həbsə məhkum ediliblər.
Təqsirlənidirilənlərin bəzilərinə hakimiyyəti ələ keçirməyi planlaşdırmaq ittihamı da irəli sürülüb.
Hizb ut-Tahrir Londonda mənzillənən qlobal təşkilatdır, niyyətinin bütün müsəlman ölkələrini islam xilafətində birləşdirmək olduğunu deyir.
Rusiya Ali Məhkəməsi 2003-cü ildə qruplaşmanı ekstremist sayıb, tərəfdarlarını “ekstremistlər” adlandırıb.
Hizb ut-Tahrir üzvləri isə təşkilatın dinc məqsədli olduğunu deyirlər.