İsrail ordusu hava məkanına daxil olan Suriya hərbi təyyarəsini vurduğunu bildirir.
“Az öncə İsrailin hava məkanına girmiş Suriyanın Sukhoi qırıcısına iki Patriot raketi atılıb”, – İsraili Müdafiə Qüvvələrinin (İMQ) bəyanatında deyilir.
“İMQ qırıcının irəliləməsini izləyib, o, İsrailin hava məkanında iki kilometr uçub. Daha sonra Patriot raketləri ilə vurulub”, – qurum vurğulayır.
İsrailin Ordu Radiosu təyyarənin işğal altında olan Golan Yüksəklikləri üzərində vurulduğunu, sərhədin Suriya tərəfinə düşdüyünü xəbərləyib.
Pilotun durumu barədə bilgi yoxdur.
Suriya tərəfdən məsələyə münasibət açıqlanmayıb.