Fransanın yığma komandası futbol üzrə dünya çempionatının finalına çıxıb. İyulun 10-da keçirilən yarımfinal mərhələsində Fransa Belçika komandasını 1:0 hesabıyla məğlub edib.
Sankt Peterburqda keçirilən yarımfinal oyununu Fransa prezidenti Emmanuel Macron, Belçikanın kralı Philippe və kraliçası Mathilde izləyib.
Final oyunu iyulun 15-də Moskvanın Lujniki stadionunda baş tutacaq. Fransanın rəqibi sabah keçiriləcək Xorvatiya-İngiltərə qarşılaşmasının qalibi olacaq.
Fransa sonuncu dəfə 2006-cı ildə final mərhələsinə çıxıb, amma İtaliya yığmasına uduzub.
Fransızlar 1998-ci ildə dünya çempionu olublar.