Birləşmiş Ştatlar mayın 22-də Rusiyanın GAZ avtomobil şirkətinin ABŞ-dakı müştərilərinə şirkətlə biznesi tamamlamaq üçün əlavə vaxt verib. Bu, GAZ sahibi Oleg Deripaska-ya sanksiyaların yumşadılması yolunda daha bir addımdır.
Birləşmiş Ştatlar ötən ay Deripaska-ya və şirkətlərinə sanksiyalar qoyub. Sanksiyalara məruz qalan digər maqnatlar arasında Kremlə yaxın digər şəxslər də var. Bu addım Moskvanın 2016-cı ildə ABŞ-da prezident seçkisinə iddia olunan müdaxiləsinə cavab olaraq atılıb.
Sanksiyalar GAZ-ın ABŞ-ın Cummins Inc., eləcə də Almaniyanın Volkswagen və Daimler şirkətləri ilə kontraktlarına təsir göstərə bilər.
ABŞ Xəzinədarlığı bildirib ki, GAZ-ən ABŞ-dakı müştəriləri iyunun 5-dək deyil, oktyabrın 23-dək şirkətlə əməliyyatları və kontraktları bitirməlidirlər.
GAZ məsələni şərh etməyib.