Aprelin 18-i və 19-da ölkə ərazisində havada tozun miqdarının sanitar normadan artıq olacağı bildirilir.
Bu barədə Ekologiya və Təbii Sərvətlər Nazirliyinin Ətraf Mühit üzrə Milli Monitorinq Departamenti mütəxəssislərinin apardığı monitorinqlərin nəticəsinə əsasən yaydığı məlumatında yazılır.
Məlumata görə, buna səbəb aprelin 18-də günorta saatlarından başlayaraq ölkə ərazisinə Ərəbistan yarımadasından cənub-qərb küləkləri vasitəsilə toz-dumanının daxil olmasıdır.
Bakı və Abşeron yarımadasında toz dumanı ilə bağlı Departament operativ iş rejiminə keçəcəyini, hər üç saatdan bir atmosferdə müşahidələr aparacağını açıqlayıb.
Sonuncu dəfə ölkə ərazisində havada tozun normadan artıq olması martın son günlərində müşahidə edilmişdi.