Aprelin 13-də BMT-nin Təhlükəsizlik Şurası Rusiyanın xahişiylə fövqəladə iclas keçirəcək. Məqsəd Birləşmiş Ştatlar və müttəfiqlərinin Suriyaya mümkün hava zərbələrindən dolayı “beynəlxalq sülhə təhdid”i müzakirə etməkdir.
“Əsas prioritet müharibə təhlükəsini önləməkdir”, – Rusiyanın BMT-dəki səfiri Vasily Nebenzya deyib. O, Qərbin mümkün hava zərbələrinin daha geniş münaqişəyə çevrilə biləcəyini istisna etməyib.
Rusiyanın Suriyada minlərlə hərbçisi və hərbi müşaviri, eləcə də Hmeymim hava bazasında onlarla təyyarəsi, Suriyanın Aralıq dənizi sahillərində 10-15 hərbi gəmisi var.
ABŞ prezidenti Donald Trump aprelin 12-də deyib ki, Suriya “tezliklə də vurula bilər, vurulmaya da”. O, bir gün öncə Rusiyanı zərbələrə hazır olmağa çağırmışdı.