«Dünən, martın 21-də qısa, amma güclü külək rayonun elektrik təchizatında fasilələr yaratdı».
Bunu Ağdam Rayon İcra Hakimiyyətindən (İH) bildiriblər.
Dünən martın 21-də güclü külək ölkənin bir sıra rayonlarında ciddi fəsadlara səbəb olmuşdu. Xüsusilə Ağdam rayonun əksər yaşayış məntəqələrində naqillərinin qırılması və dirəklərin aşması üzündən elektrikin kəsildiyi deyilirdi.
İcra hakimiyyətindən vurğulayıblar ki, martın 21-də axşama qədər davam edən bərpa işlərinin nəticəsi olaraq elektrik sahəsində fasilələr aradan qaldırılıb.
«Elə martın 21-i axşamdan elektrikin verilməsi tam şəkildə bərpa olundu. Bunu da deyək ki, rayonda külək elə ən ağır zərbəni elektrik təchizatı sahəsinə vurmuşdu», - deyə icra hakimiyyətindən bildiriblər.