Noyabrın 23-də Dövlət Əmlakının İdarə Edilməsi üzrə Dövlət Komitəsi ilə «Azadlıq» qəzeti arasında məhkəmə mübahisəsinin barışıq yolu ilə həll edilməsi üçün yaradılmış komissiya komitənin sədri Kərəm Həsənovla görüşüb. Bu barədə «Azadlıq» radiosuna komissiyanın üzvü Vüqar Səfərli məlumat verib. Onun sözlərinə görə, görüşdə tərəflər hər hansı razılığa gələ bilməyiblər: «Azadlıq» qəzeti hesab edirdi ki, barışığın baş tutması üçün komitə onlara qarşı məhkəmə iddiasından əl çəkməlidir. Ancaq Kərəm Həsənov də bizə bildirdi ki, onlar bu iddiadan geri çəkilmək niyyətində deyillər».
Bir neçə gün əvvəl Dövlət Əmlakının İdarə Edilməsi üzrə Dövlət Komitəsi ilə «Azadlıq» qəzeti arasında yaranmış mübahisəni barışıq yolu ilə həll etmək üçün komissiya yaradılıb. Komissiyaya Hacı Sabir, Vüqar Səfərli və Qulu Məhərrəmli daxildir.
Kərəm Həsənov həmçinin bildirib ki, əgər «Azadlıq» qəzeti və binada yerləşən digər qurumlar onlara təklif edilən yerləri qəbul etmirlərsə, bu məsələni yenidən müzakirə edə bilərlər. Ancaq həmin təşkilatlar Xəqani-33 ünvanında qanunsuz yerləşdiyindən binanı tərk etməlidirlər.
Bir neçə gün əvvəl Dövlət Əmlakının İdarə Edilməsi üzrə Dövlət Komitəsi ilə «Azadlıq» qəzeti arasında yaranmış mübahisəni barışıq yolu ilə həll etmək üçün komissiya yaradılıb. Komissiyaya Hacı Sabir, Vüqar Səfərli və Qulu Məhərrəmli daxildir.
Dövlət Əmlakının İdarə Edilməsi üzrə Dövlət Komitəsi «Azadlıq» qəzetinə qarşı yerləşdiyi Xəqani-33 ünvanından çıxarılması tələbi ilə iddia qaldırıb. Buna etiraz olaraq noyabrın 9-dan bir qrup jurnalist aclıq aksiyası keçirir.
Mübahisəyə dair məhkəmə iclası noyabrın 24-də 1 saylı Yerli İqtisad Məhkəməsində olacaq.