Rusiyada uşaqlara cinsi təcavüzdə təqsirli bilinən keşiş 14 illik həbsə məhkum edilib.
Rusiyanın Leninqrad vilayətindəki Priozersk şəhərindəki məhkəmə yanvarın 17-də keşiş Gleb Grozovsky-yə qarşı hökm çıxarıb.
Məhkəmə Grozovsky-nin 2011-ci ildə Konevets adasındakı pravoslav yay düşərgəsində azyaşlı qızlarla cinsi əlaqəyə girməkdə təqsirli bilib.
O zaman Grozovsky Sankt Peterburq kənarındakı Tsarskoye kəndindəki kilsədə keşiş idi.
Məhkəmə keşişi 2013-cü ilin iyununda Yunanıstanda keşiş olduğu kilsədə də azyaşlı qızlarla cinsi əlaqəyə girməkdə təqsirli sayıb.
Rusiya Grozovsky barəsində 2013-cü ilin oktyabrında həbs orderi çıxarıb və o, 2016-cı ilin sentyabrında İsraildən Rusiyaya ekstradisiya olunub.
Grozovsky İsrail hakimiyyətinə Rusiya Pravoslav Kilsəsi tərəfindən İsrailə göndərildiyini deyibmiş.
Ancaq onun missiyasına 2013-cü ilin noyabrında, pedofiliya ittihamları üzrə istintaq başlayanda son qoyulubmuş.