Ekologiya və Təbii Sərvətlər Nazirliyinin Milli Hidrometeorologiya Departamenti yanvarın 9-u axşamdan yanvarın 10-u səhərədək ölkə ərazisində hava haqda məlumat yayıb.
Məlumata görə, ölkənin dağlıq rayonlarına qar yağıb. Qar örtüyünün hündürlüyü Quba rayonunun Qırız kəndində 13, Xınalıqda 10 sm təşkil edib.
Bakıya ilk qar yağmağa başlayıb
2018-ci il yanvarın 10-da Bakıya qışın ilk qarı yağmağa başlayıb. Ancaq qar, hələ ki, yerdə qalmır.
Hazırda Bakıda o qədər də güclü olmayan şimal-qərb küləyi əsməkdədir.
Ekologiya və Təbii Sərvətlər Nazirliyi bildirib ki, yanvarın 10-da ölkənin daha çox şimal rayonlarında qar gözlənir.