Bu gün, dekabrın 26-da Bakı-Quba yolunun kənarında top mərmisinin aşkar edildiyi bildirilir.
Bu haqda Azərbaycan Ərazilərinin Minalardan Təmizlənməsi üzrə Milli Agentliyin məlumatında yazılır.
Məlumatda bildirilir ki, 1 ədəd top mərmisinin tapılması barədə Fövqəladə Hallar Nazirliyinin Böhran Vəziyyətlərində İdarəetmə mərkəzindən məlumat daxil olub.
“Agentliyin mütəxəssisləri Sumqayıt şəhəri, H.Z.Tağıyev qəsəbəsi ərazisindən keçən Bakı-Quba yolunun kənarına baxış keçiriblər. Aparılan təcili axtarış tədbirləri nəticəsində 1 ədəd 100 mm-lik top mərmisi (PBR-412) aşkar edilərək zərərsizləşdirilməsindən ötrü götürülüb”, – məlumatda vurğulanır.
Ərazidə digər təhlükəli əşya və qurğu aşkar edilmədiyi bildirilir.