Kosovo qonşu Albaniyanın müstəqillik gününü qeyri-iş günü elan edib.
Hökumətin noyabrın 23-də yaydığı bəyanata görə, baş nazir Ramush Haradinaj noyabrın 28-ni “albanlardan ötrü... tarixi və mədəni dəyərlərə, yaxşı ailə və sosial ənənələrə sayqı günü” elan edib.
Bu addım qonşu Serbiyayla gərginliyi artıra bilər. Kosovo 2008-ci ildə Serbiyadan ayrılaraq müstəqillik elan edib.
Belqrad Albaniya və Kosovonu “Böyük Albaniya” yaratmağa çalışmaqda ittiham edib. Bu ittiham dəfələrlə rədd olunub.
Kosovonun 1,8 milyonluq əhalisi əsasən etnik albanlardan ibarətdir.