Noyabrın 13-də Türkiyə prezidenti Recep Tayyip Erdogan rusiyalı həmkarı Vladimir Putin-lə Soçidə görüşəcək. Məlumatı Kreml yayıb.
Putin-in mətbuat xidməti noyabrın 10-da bildirib ki, iki lider regional və beynəlxalq məsələləri – terrorçuluqla birgə mübarizəni, Suriyada altı ildir davam edən müharibəni bitirməyə yönəlik cəhdləri müzakirə edəcəklər.
Onların qarşılıqlı ticarət, enerji sektorunda əməkdaşlığı da götür-qoy edəcəyi gözlənir.
Rusiya Suriya prezidenti Bashar al-Assad hökumətini, Türkiyə isə Assad-ı devirməyə çalışan üsyançıları dəstəkləyir.
Bu iki ölkə İranla birlikdə Qazaxıstanın paytaxtı Astanada Suriya münaqişəsinə dair danışıqlar da təşkil edir.