Noyabrın 7-də Qazaxıstanda ölkənin iqtisadiyyat naziri Quandyq Bishimbaev və daha 22 təqsirləndirilən rüşvətxorluq və mənimsəmə ittihamıyla məhkəmə önünə çıxarılıb.
37 yaşlı Bishimbaev yanvarda Qazaxıstanın Antikorrupsiya Xidməti tərəfindən həbs olunub.
O, oktyabrın 31-də keçirilən iclasda təqsirkar olmadığını deyib. Digər təqsirləndirilənlər isə özlərini təqsirli saydıqlarını söyləyiblər.
Son illər ölkənin bir sıra rəsmiləri rüşvətxorluq ittihamıyla mühakimə olunublar, bəzilərinə uzunmüddətli həbs cəzası kəsilib.