ABŞ-da yaşamış azərbaycanlı alim Lütfi Zadənin cənazəsi sentyabrın 28-dən 29-na keçən gecə Bakıya gətirilib.
Bu gün, sentyabrın 29-u dəfn prosedurunun həyata keçiriləcəyi bildirilir. Alimlə vida mərasiminin Azərbaycan Milli Elmlər Akademiyasında (AMEA) saat 12.00-dan 14.00-dək keçiriləcəyi, onun I Fəxri Xiyabanda dəfn olunacağı açıqlanıb.
Lütfi Zadə 1921-ci ildə Bakıda anadan olub. Sonra bir müddət İranda yaşayıb, daha sonra ABŞ-a gedib.
Lütfi Zadə süni intellekt sahəsində qeyri-səlis məntiq nəzəriyyəsinin banisi, Kaliforniya Berkli Universitetinin professoru idi.
O, sentyabrın 6-da 96 yaşında Kaliforniyada vəfat edib.