Ukraynanın hərbi prokurorluğu Vinnitsk vilayətindəki sursat anbarında baş verən partlayış və yanğını diversiya hesab edir.
TASS-ın məlumatına görə, bu barədə sentyabrın 27-də Ukrayna təhlükəsizlik xidmətinin mətbuat katibi Elena Gitlyanskaya məlumat verib.
O,cinayət məcəlləsinin 113-cü maddəsi ilə (dversiya) cinayət işi açıldığını bildirib.
İnsidentin baş verdiyi Kalinovka rayonu və ətraf qəsəbələrdən 28 minə yaxın sakin köçürülüb.
Bundan başqa 50 kilometrlik radiusda hava məkanı bağlanıb, Vinnitsa-Kiyev magistral yolu bağlanıb, qatarların marşurutu dəyişdirilib.
Anbar 60 hektarlıq ərazini əhatə edir və orda 188 ton sursat saxlanır.
Sentyabrın 26-I axşam saatlarında Ukraynanın Vinnitsa şəhəri yaxınlığındakı artilleriya anbarında partlayış və bunun ardınca yanğın baş verib.
Bu anbar Kalinovka kəndində yerləşir.