Yerevanda sentyabrın 18-də Ermənistan-Diaspor 6-cı Ümumerməni Forumu başlanıb. Forum "Qarşılıqlı inam, birlik və məsuliyyət" şüarı ilə keçirilir.
Forumda çıxış edən Ermənistan prezidenti Serj Sarkisyan deyib ki, "bizim gücümüz birlikdədir".
Ermənistanın News.am xəbər saytı bildirir ki,Türkiyə parlamentində Kürd Demokratik partiyasından deputat və milliyətcə erməni olan Garo Paylan ilk dəfədir Ermənistana gəlib.
Ancaq o yalnız bunu deyib ki, Ermənistana gəlməyinə şaddır, jurnalistlərin digər suallarına cavab vermək istəməyib.
Forumda ABŞ, Belçika, Rusiya, Argentina, İran, Livan, Kanada, BƏƏ, Türkiyə, Suriya və digər ölkələrin erməni diasporları iştirak edir.
Forum sentyabrın 20-də başa çatır.