Rusiya parlamentinin yuxarı palatası olan Federasiya Şurası xarici vətəndaşı arzuolunmaz davranışa görə ölkədən çıxartmağa imkan verən qanunvericilik layihəsi hazırlayır.
Federasiya Şurasının üzvü Andrei Klimov sentyabrın 4-də "İzvestiya" qəzetinə deyib ki, “bizim xarici tərəfdaşlar daima bizim işlərimizə qarışırlar”.
"İzvestiya" yazır ki, yeni qanunvericilik əslində 2015-ci il qanununa əlavə kimi verilə bilər. Həmin qanun Rusiya hakimiyyətinə beynəlxalq təşkilatların arzuolunmaz davrandığını elan etmək və onların Rusiyada fəaliyyətini dayandırmaq hüququ verir.
Klimov RBK televiziyasına isə deyib ki, yeni qanunvericiliklə bağlı ekspertlər və deputatlar arasında müzakirələr artıq başlanıb.