Avqustun 24-ü Mərkəzi Bankda Dövlət Neft Fondunun da iştirakı ilə hərrac keçirilib. Xəbəri Mərkəzi Bank yayıb.
Xəbərə görə, hərracda manatın ortaçəkili məzənnəsi 1.7009 səviyyəsində formalaşıb.
Bu gün, avqustun 24-ü də elə rəsmi məzənnəyə görə, 1 dollar 1.70009 manata bərabər olmuşdu.
Son bir neçə hərracda manat dollara nisbətən cüzi dəyər itirmişdi. Ancaq bu il bütünlükdə manat dollara nisbətdə 4 faiz bahalanıb. Ancaq bəzi ekspertlər hesab edir ki, Azərbaycanda manatın möhkəmlənməsinin iqtisadi əsası yoxdur. Sadəcə onların fikrincə, Azərbaycanda məzənnə reallıqda inzibati əsaslarla formalaşır.