Ötən il Azərbaycanda 66 min 771 nikah, 13 min 114 boşanma qeydə alınıb.
Dövlət Statistika Komitəsinin «Azərbaycanın Demoqrafik Göstəriciləri» rəsmi nəşrində belə yazılır.
Bu, nikahların sayının 2013-cü ilə nisbətən 1.3 dəfə azalması, boşanmaların isə 1.12 dəfə artması deməkdir.
Göstəricilərə görə, 2016-cı ildə nikaha daxil olan kişilərdə orta yaş 28.6-ya, qadınlarda isə 24.1-ə bərabər olub. Həmin göstərici 2014-cü ildən etibarən sabit qalıb.