Dövlət Gömrük Komitəsinin avqustun 16-da yaydığı məlumata görə, Gürcüstanla sərhəddə yerləşən «Sınıq Körpü» gömrük postunda içərisində 3 milyon 540 min Rusiya rublu (59 min ABŞ dolları) olan maşın saxlanıb.
Komitənin məlumatında qeyd olunur ki, «Volkswagen» markalı avtomobilin sürücüsü gömrükçülərin qanuni fəaliyyətinə mane olmağa çalışıb, lakin kənar müdaxilə cəhdlərinə baxmayaraq, avtomobil yoxlamadan keçirilib. Yoxlama zamanı avtomobilə gizlədilmiş pul aşkar edilib.