ABŞ ordusu Ukraynanın Oçakove-dəki hərbi-dəniz bazasında operativ mərkəz tikir.
Bu barədə RİA Novosti ABŞ hərbi dəniz qüvvələrinin saytına istinadla məlumat yayıb.
Təməlqoyma mərasimi iyulun 25-də olub.
ABŞ-ın mühəndis-tikinti ordusu bu ilin aprelindən Oçakove-dədir.
Onlar bu müddət ərzində hazırlıq işləri ilə məşğul olub, müqavilələr imzalayıb, tikintiyə icazə alıb və texniki məsələləri həll ediblər.
Bu komandanlıq mərkəzi ABŞ-ın Oçakove-də planlaşdırdığı 3 layihədən biridir.
Bu mərkəz gələcək hərbi təlimlərdə mühüm rol oynayacaq.
Qalan iki layihə isə qayıqlara texniki xidmət üçün xüsusi bölmə və nəzarət-buraxılış məntəqələrindən ibarətdir.
Ukraynanın Ali Radası yanvarda xarici hərbçilərin ölkədə hərbi təlimlərdə iştirakına imkan açan qanun qəbul edib.
İyulda Ukraynanın cənubunda Sea Breeze-2017 təimlərində ABŞ-da daxil olmaqla 17 ölkə iştirak edib.