Parisin ətrafında avtomobil bir qrup hərbçini vuraraq hadisə yerindən uzaqlaşıb.
Reutersin məlumatına görə, insident avqustun 9-da baş verib.
Nəticədə 6 nəfər xəsarət alıb, onlardan ikisi ağır vəziyyətdədir.
Polis axtarış aparır.
Sizin brauzer HTML5-i dəstəkləmir
Şəhər meri Lavallua -Perre hücumun planlı şəkildə edildiyini bildirib.
Şahidlərin sözlərinə görə, kazarmanın qarşısında dayanan avtomobil hərbçilərin çıxmasını gözləyirmiş.
Son 2 il yarım ərzində Parisdə bir neçə terror aktı törədilib, ümumilikdə 200-dən çox adam ölüb.
Ölkədə təhlükəsizlik tədbirləri gücləndirilib.
Fransa parlamenti iyulda ölkədəki fövqəladə vəziyyət rejimini daha yarım il uzadıb.
Fövqəladə vəziyyət rejimi 2015-ci ilin noyabrında Parisdə törədilən terror aktlarından sonra tətbiq edilib.
Fransa hakimiyyəti polis və xüsusi xidmətin səlahiyyətlərinin artırılmasından sonra fövqəladə vəziyyət rejimini ləğv etmək istəyir.