İyulun 28-i Bakı və Abşeron yarımadasında havanın günəşli olacağı bildirilir. Şimal-qərb küləyinin gündüz mülayim cənub küləyi ilə əvəz olunacağı gözlənir.
Ekologiya və Təbi Sərvətlər Nazirliyinin Milli Hidrometeorologiya Departamentinin məlumatına görə, Abşeronda gecə 22-26, gündüz 32-37, Bakıda gecə 24-26, gündüz 35-37 dərəcə isti olacaq.
Azərbaycanın rayonlarında da bir elə yağıntı olmayacağı bildirilir. Gecə 21-26, gündüz 35-40, dağlarda gecə 15-20, gündüz 27-32 dərəcə isti təxmin edilir.
Nazirlik xəbərdar edir ki, iyulun 28-dən ayın sonuna kimi ölkə ərazisində hava isti olacaq. Naxçıvan Muxtar Respublikası və Mərkəzi-Aran rayonlarında 42 dərəcə isti gözlənir.