Özbəkistanın Rusiyanın rəhbərlik etdiyi təhlükəsizlik blokuna qayıtmaq planı yoxdur. Bunu Özbəkistanın xarici işlər naziri Abdulaziz Kamilov iyulun 5-də deyib. Bu bəyanat ölkə rəhbərliyində dəyişikliyə baxmayaraq, xarici siyasətin dəyişmədiyini göstərir.
31 milyon əhalisi olan Özbəkistanı 1989-cu ildən Islam Karimov idarə edirdi, ötən ilin sentyabrında dünyasını dəyişdi.
Daşkəndin Moskva və Kollektiv Təhlükəsizlik Müqaviləsi Təşkilatı (KTMT) ilə münasibətləri elə də isti deyil. 1999-2006-cı illərdə Özbəkistan quruma üzvlüyünü ertələyib və 2012-ci ildən bu təşkilatdan çıxıb.
Karimov-un xələfi Shavkat Mirziyoyev Rusiyayla strateji tərəfdaşlığın inkişafından danışır deyə, Özbəkistanın hərbi alyansa yenidən qoşula biləcəyi ehtimalları da güclənib.
Ancaq Kamilov televiziyaya müsahibəsində deyib ki, ölkənin KTMT-yə üzvlüyünün yenilənməsi məsələsi gündəmdə deyil.
Rusiya KTMT-dən, eləcə də Avrasiya İqtisadi İttifaqından yararlanaraq keçmiş sovet ölkələrində nüfuzunu gücləndirməyə çalışır.