Portuqaliya millisinin forvardı Cristiano Ronaldo Rusiyada keçirilən konfederasiya kubokunu vaxtından əvvəl tərk edəcək.
Futbolçunun əkiz uşaqları doğulduğundan o, 3-cü yer uğrunda görüşdə iştirak edə bilməyəcək.
Bu barədə Ronaldonun özü Feysbuk səhifəsində yazıb.
3-cü yer uğrunda görüş iyulun 2-də keçiriləcək.
Qeyd edək ki, Portuqaliya millisi iyunun 28-də yarımfinalda Çili millisinə penaltilərdə məğlub olub.
Portuqaliya Futbol Federasiyasnın prezidenti və yığmanın baş məşqçisi Ronaldonun qərarını anlaşma ilə qarşılayıb və onun yarışdan yarımçıq ketməsinə icazə veriblər.