İrandan Azərbaycana gələn bir Azərbaycan vətəndaşında narkotik maddə aşkarlandığı bildirilir.
Xəbəri Dövlət Gömrük Komitəsi yayıb.
Bu gün, mayın 15-i yayılan məlumatda bildirilir ki, hadisə Astara Gömrük İdarəsində qeydə alınıb.
Məlumatda vurğulanır ki, yoxlama zamanı vətəndaşın daxili orqanında (mədəsində) 25 büküm olmaqla, ümumi çəkisi 125.573 qram narkotik vasitə - heroin aşkar edilib.
Həmin şəxsin kimliyi və deyilənlərə münasibəti açıqlanmayıb. Faktla bağlı araşdırma aparıldığı bildirilir.