İranın dövlət televiziyası prezident Hassan Rohani-nin seçki kampaniyası filminin bəzi hissələrini kəsib. Bu haqda yarırəsmi ILNA xəbər agentliyi məlumat yayıb. Ölkədə prezident seçkisi mayın 19-da keçiriləcək.
Rohani ikinci dəfə prezident olmağa iddialıdır. Sərt xətt tərəfdarı olan Ebrahim Raisi onun əsas rəqibi sayılır.
Rohani-nin kampaniya üzvü “Associated Press” agentliyinə deyib ki, Rezident Rohani adlı filmin bir neçə hissəsi kəsilib. 24 dəqiqəlik film Birinci Kanalda göstərilib.
Həmin əməkdaşın sözlərinə görə, filmdə müxalifət lideri Mir Hossein Mousavi və keçmiş prezident Mohammad Khatami-nin adları çəkilən yerlər kəsilib.
Khatami Rohani-yə dəstəyini bildirib, Mousavi də onun tərəfdarı sayılır
Dövlət televiziyası məsələyə, hələlik, şərh verməyib.