Tennis ulduzu Serena Williams hamilədir və bu payız övladını dünyaya gətirəcək. Bu məlumatı idmançının sözçüsü təsdiqləyib.
Bu, 35 yaşlı tennis ulduzunun ilk övladı olacaq.
Aprelin 19-da Williams «Snapchat»a güzgü qarşısında fotosunu qoyub və «20 həftə» yazıb. Daha sonra postu silib.
Bu o deməkdir ki, amerikalı oyunçu yanvarda Avstraliyada 23-cü «Grand Slam» titulunu qazananda iki aylıq hamilə imiş.
Williams dekabrda deyirdi ki, «Reddit» xəbər və mesajlaşma saytının yaradıcısı Alexis Ohanian-la nişanlanıb.
Görünür, o, mövsümün qalan oyunlarına qatıla bilməyəcək.