Londonda parlament binası yaxınlığında terror hücumunu gerçəkləşdirən britaniyalı “İslam Dövləti” (İŞİD) silahlı qruplaşmasının “əsgər”i olub.
Bunu ekstremist qruplaşma martın 23-də, qeyri-rəsmi Amaq xəbər agentliyi vasitəsilə bildirib.
Buna da bax: Londonda terror hücumunda 5 nəfər ölüb - VİDEO
Həmin hücumda bir nəfər polis zabitini bıçaqlayıb, daha sonra maşını Vestminister körpüsü üzərindəki piyadaların üstünə sürüb. Polis hücum edəni güllələyib. Polis nəfəri, hücum edən şəxs və daha 2 nəfər həlak olub, 40 nəfər yaralanıb.
Hələlik şübhəlinin adı açıqlanmayıb.
Buna da bax: 7 adam həbs olundu və London hücumunun videosu yayıldı
Britaniyanın baş naziri Theresa May martın 23-də parlamentdə çıxışında deyib ki, bu terror hücumu demokratiyanı susdurmaq məqsədi güdür. “Amma biz qorxmuruq və terror dalğası qarşısında heç vaxt tərəddüd etməyəcəyik”, – May bildirib.